Archive for the ‘ gadget ’ Category

You see me.. now you don’t

Cloaking Dress malapit na magkaroon.

Sa video na yan, pinakita gamit ang isang camera at manipis na tela (pero di pangkaraniwan) na makikita mo ang anumang bagay na nasa likod ng nagsusuot ng cloak dress na yan. Bagama’t medyo malabo pa, idinisenyo noong 2003 ni Susumu Tachi ito para gamitin sa sasakyan pantulong sa driver na makita ang nasa gilid at natatakpan na kaha ng sasakyan sa labas.

Kamakailan, may bagong tuklas muli na mas improve at hindi na gumagamit ng kapa o damit ang kasalukuyang sinasaliksik ng mga eksperto. Gamit ang isang tumpok ng crystal at walang camera matagumpay nyang naisagawa na maitago ito. Maaari nyong makita ang ilan pang detalye dito.

Maganda ang hangarin nila na mapagtagumpayan ito. Sana lamang ay gamitin ito sa mabuting paraan at hindi sa mga bagay na pansarili at walang kabuluhang bagay na ikakapahamak ng iba, paligid at ng ating planeta msimo.

Pinagkunan: Tachi Lab, Guardian.co.uk[1][2], YouTube

Advertisements

Wag ka bumili ng iPad

iPad

Bakit? Hindi lahat ng bagong labas maayos at walang problema sa pagkakagawa. Bagamat dalawang buwan na ngayon, magi-isang taon na buhat ng ilabas sa market ang iPad sa buong mundo mas praktikal pa rin bumili ng gamit partikular mga gadget na may mga updates sa firmare o software sa kanilang device. Bugs o mga security crack ang madalas na problema sa mga bagong labas kaya mahalaga at importante ang pag-test (beta-test) para malaman ang kulang o problema sa bagong gawang produkto.

Hindi siguro uso ang beta-testing sa Apple, kagaya ng iPhone na nasa 4th generation na ngayon. Pinaliliwanag nito na walang perpektong produkto na lahat ng gusto mo ay pwedeng makita sa iisang gadget. Pero importante na maresolba nila ang problema  sa usability ng produkto para mapakinabangan kung saan at paano ito magagamit ng maayos at epektibo.

Sa article na nilabas ng Gizmodo, pagkaraan ng anim na buwan simula ng ni-release ang product ang pinakamainam na panahon para bilhin ito. Makikita ito dahil marami ng nagsulputan na counterpart ng iPad na ilan sa problema at kakulangan nito ay nilagay nila sa produkto nito. Andyan ang Galaxy Tab ng Samsung, Slate ng HP, Streak ng Dell, at marami pang iba na makikita sa Internet.

Hindi rin nalalayo sa marketing strategy ng Microsoft ang ginagawa ng Apple. Parehas lang sila nagku-kumpetitsyon para kumita at i-brainwash ang isip ng mga tao na dapat meron ka ng kung ano ang pinakabago nila. Ayaw nila ng simple, kelangan medyo complex, all-in-one, mga features na hindi naman kelangan, at kinang ng panlabas na itsura ng produkto ang dapat meron ka. Maliban na lamang kung marami kang pera, hindi problema yan. Kaya lang mukhang nagi-invest ang mga kumpanya na gumagawa ng mga ito ng basura at kalat sa kwarto, bahay at opsina natin sa mundo ngayon.

Masamang epekto ng teknolohiya.

Pinanggalingan: Gizmodo: Do Not Buy an iPad

%d bloggers like this: